KUMWONJOLOLI KWE LIMENYA LIA KUKHU DINAH NAFULA MANYONGE.

KUMWONJOLOLI KWE LIMENYA LIE SIMAKOMBE KUKHU DINAH NAFULA MANYONGE.

1.LILIEBULWA

Simakombe Dinah Nafula siebulwa kumwiko 1942 musirekere sia Chebukaka mulukongo lutiti lwa  sichei,mulukongo lwa Chwele mulisasa lie Ekabuchai mulikunda lie Ebung'oma nali omwana we kharano khubebusi bimakombe baba Nicholas Namaswa(Siyitu) ne Mayi Norah Nabalayo(Simeme).

Simakombe kukhu Dinah sili siwandaye sia Tomasi Ngonelo,Rael Namwaya,Joan Nanjala,Priscah Nasimiyu,Grace Nang'unda,Pasiliano Wamukota ne bimakombe Daudi Wanjala,Patrick Keyari,Cleophas Wanyama nende Sofia Nabwonya.

Simakombe Dinah sili sengewe ya;Yohana Muitu,Mispa Ngonelo,Nichola Ngonelo,Rosah Ngonelo,Mutiembu,Khisa,Yohana Mulongo,Petero Wangila,Everlyne Nafula,Helen Naliaka,Catherine Nasambu,Gideon Juma,Alex Simiyu,Martin Wanjala,Yohana Wanyama,Kabet Wanyama,Andereya wanyama ne bimakombe Isaac Ngonelo nende Yusuf Ngonelo.

Simakombe abele sili siwangoye sia kukhu Fridah Nafula.Ano mumbeo omukhaye Fridah Nafula nalila wangoye.........audio..

2.LISUBILA LIE KUMOYO/LIBUKANA

Simakombe Dinah silambasisie ebweni wenywe omunamasika siaba nesiakanilwa khubwali bwe litembeli lie banamae be balokole(Salvation Army).siamakhusanganga mulitembeli elio khukhwola kumwiko kwa 2015 nio siaba nesietuba alala khusanga mulitembeli lia Wandaye wa Kristo.Siama khuchilila khusanga mulitembeli elio khukhwola nga lifwa nelisiangule.Omufu kukhu Dinah Nakaba mulamu katinyilisianga bandu khutikia libukana,ne kaba naloma kano.......audio..

3.BUSOMI

Simakombe kukhu Dinah Silambalile omunamasika,siarakikha busomi bwasio musisomelo sie khuranga sie balia masakaramento sia Chebukaka(Chebukaka RC) kumwiko kwa 1950.Siaba nesichilila ne busomi bwasio khukhwola musikhali sie khataru(Class 3) nekhulekhela ao.

4.SISELELO/LILIA.

Simakombe silambasisie omurekeresi siaba nesiakanila khalinjola wasio we kumoyo luno luri simakombe Jackson Machengo (Sichemwile)kumwiko kwa 1957 nga sisosi sisirusiakho bukumba ne baba nebanyola kumwalalo kwe lulwibulo lwe banana likhumi.Nebali;Petero Simiyu,Ben Kibui,Yohana Sangura,Johnston Wangila,Felix Wanjala,Rose Nanjala,Eliud Wekesa,Clare Muyoka ne bimakombe Nikola Wanyonyi nende Yusuf Barasa.

5.LILIESAKULILA/KIMILIMO.

Kukhu Dinah Nafula siaba nesikhalabana mubukusi bwe chinyenyi(mama mboga)ne khuba omulimi no omubayi nga engila  ndala yekhutimania kumutambo.

6.BUTEKHELE NE LIFWA

Simakombe kukhu Dinah silinekhesiyabilwa endalo ya luno omunamasika,siebulwa mumbotokhelela chingwalafu ne sesiabakho ne kamatekhele kosi kosi ta khukhwola kumwiko kwa 1983 nio siachaka khukholola nandakhaola,ne nga siaba nesiyilwa mulikangilo lie likunda Lie Ebung'oma aluno ari Ebung'oma Referral Hospital,bafumu bebusilikhi banyola mbo simakombe Dinah sili ne bulwale bwe sikholelo(Sifuba siangalala)mululomo lwo omuro bali Tuberculosis. Kaba Narwa khubusilikhi nekhusosa.

Kumwiko kwa 1985,kaba naeulila buchuni bwe kamakumba namwe langa oli athrites.

Ne kumwiko kwa 1987,karakikha khuba ne kamabimbi ke mumoni nende chinunusilo namwe langa oli kamaturu.Kaba narwa khubusilikhi asi wo omusilikhi Karumba,Ebung'oma.Nasili khubusilikhi obwo chimoni chasio charakikha khutibia bubonelo(Loss of sight).Kama khuchilila khumenya ario nekamatinyu ke chimbonelo khukhwola kumwiko kwa 2016,nio Kaba nakendelela likangilo lia Dreamland-Kimilili khukhosibwa chimoni nembo chimbubi chibambulwe khumoni(Cataract). Nekhali enyuma wako,liliekumba liekhukobosia buboni sebwanyalikha ta.Kachililenge khukendelela likangilo lie Ekabuchai nende Liebung'oma buli khase nembo abe nakelwakho buchilili bwe kumubili kwewe namwe langa oli Check-up.

2017,Kumwezi kwa kumi,aba nakendela likangilo lie khukhwiyimelela lia Nabuala mumelocho ke buchuni bwe kamakumba ne litibia lie kumoyo kwe khulia(loss of appetite)aba nayetwa ne basilikhi nekhukobolela busosi.Ano kukhu Dina omwene nabulilila nga anyasibwenge ne bulwale......

Endalo ya 16/3/2024,Kaba naambwa nebutekhele bwe buchuni bwe munda ne khunyala,Kaba nayilwa mulikangilo lie Kabuchai chisa cha bwelabule ne kaba narwa musitali silo esio naebwa kamechi ke khuyita khukobolela bulamu bwewe.Nga yola endalo 17/3/2024,mabwibwi ,basilikhi balakilila mbo abe nayilwa bwangu mulikangilo lie Ebung'oma khubusilikhi bwa khangu.Enyuma we khutimakisibwa Ebung'oma,lianyolekha mbo basilikhi bali khuliemurukunya liba liliakholela lulwibulo nelubukula kumukhosi kwe khuyila kukhu Dinah mulikangilo lie khukhwiyimelela lia Nabuala.

Basilikhi be mulikangilo lia Nabuala bamwakanila ne khuchilila khumukhalabanila,ne nga chola chisa che enyanga musifuba(4pm)Bulamu bwa kukhu Dinah bwakalukhana ne khuba bumayanu,nekhumalila ao lukendo lwe musibala.

7.BULONDANI MULWIBULO

Simakombe Dinah Nafula siabele nesilekha enyuma lulwibulo lwe babandu 82.

Babana 8,babechukhulu 44 ne Bisoni 30

Aluno ari kukhu Dinah okhoyabilwa omunamasika abele khusialo khuno khubuleyi bwe kimiko 82,nechili chindalo 29,935 (days)ne nekhura mumasa abele namenya kamasaa 718,440(hours)

BURUME KHUKWAMA KHULWIBULO

"Mayi Wefwe Dinah,obe nelukendo lulayi fwesi khwicha".Ano balala khubana be simakombe Dinah nabalila mayi wabwe.....audio.

         Kamaandike,

MbukusuTv-Email:radiodexnews@gmail.com