KUMUSE KWE LIMENYA LIA MWALIMU WAULUKHA GEORGE MABONGA WAMALWA

LILIEBULWA

Omufu George wamalwa olambalile banamasika kebulwa kumwiko kwa 1948 khubebusi bewe bamakombe mayi Mellap Nabututu(omumweya)ne baba Asman wamalwa musawa(sichoro)omulisa mulukongo luno luri lwa Bokoli mwisasa lie bujumbe lie ewebuye ye mumbo mukaunti ye Ebung’oma.

Omufu bele ali wandaye ya Musa kasembeli,Cleophas maina,Petronila mutiembu,Martin wayong’o,Metrine khasoa,Violet nakhanu,Ibrahim wabwile be chinjibulo chewa nganga,machio,makokha,kasembeli ne bamakombe Christopher mayeku,maria mufumu,Alfred nakhisa,Beatrice muchamb

alo,Agnes wenyisia,Daudi mayeku,Marko wabomba ne Calistus nandoli.

2.BUKURISTAYO

Omufu wikwalasise omunamasika aba naetuba musikhali sie basale sie kumukhung’ano kwa buli mwiko nio lwanyuma kwalangwa mbo Elgon Religious Society of Friends(E.R.S.F.)1973.Aba nasikala omusangi we sisieyikino mwitembeli elio khukhwola nga lifwa nelimuangule.Khubukhalabani bwewe musikhali esio ama khuba mubweyangu bwe buandalasi bwe bubikhilo bwe chimbabulo(presiding clerk)mwitembeli lie basale lie ebokoli.

3.SIKHEBO

Omufu niye wikhalile omunamasika kanyindalila khurunga likobi lia mango omukhurarwa kumwiko kwa 1962 nio aba natiukhwa mbo Omumaina okhola 2,khulwalililo lwe embalu yo omwana mubukusu.

4.BUSOMI

Omufu karakikha busomi bwewe 1958-1968 musisomelo sie khuranga sie basale sia Bokoli nio aba nakekhalila kamarebo ke mwirambo C.P.E. Ne kaba nabira bulayi po,liba liakholelela naketuba nende sisomelo sie khabili sia khasoko 1969-1972 enyuma we khubira bulayi mumarebo ke mwirambo khusakia che bisomelo bie khabili KCSE.

1985-1988,Omumamakombe ketuba musisomelo sie kamekesio ke babekesia sia kaimosi ne aba nasomela bubwekesia bwe bisomelo bie khuranga namwe langa oli p1.Aba nanyola bubweyangu bwe mubwene nga omwekesia oli khumurunga kwe buruki 1989.

2003 aba nalangililwa liulukha(retirement) nali musisomelo sie khuranga sia basale sie ebokoli enyuma we khukhalabana khumiko 30.

Enyuma we liulukha aba nanyikhinywa nga omuyeti mubukhalabani bwe esinaa mu sinaa ye likunda lie ebung’oma.

Ama khuchilila khukhalabanila bamenywa mubikhasio bie chiboard chabukhane nekhulimo bisomelo;siekhabili sia chebosi,sie khuranga sia namilimo,sie khuranga sie basale sie Bokoli,sie khabili sie emilani nende likangilo lie lie ebokoli khukhwola nga kaangulwe ne lifwa.

5.LILIA/SISELELO

Omufu okhoyabiolwa luno banamasika kaba nakebombia ne khukhwakanila kamayika kalangwa mbo rose weyeta-omusang’alo 1974 ne khubirira khumwalalo kwa wele baba nebanyola kumukhumulo kwe babana 12 nebali;pamela nasimiyu,omufu William makokha,betty nanjala,Winfred khasiro,omufu Getrude nanyama,Agre namasaka,omufu judisi mabonga,victor Wanjala,Geoffrey chimatuni,rabecca jane,omufu nebert ne haggai mabonga.

Alekhile enyuma omukhaye mulala ne babana 8,4 besisoreri ne besikoko bosi 4.Babechukhulu 24,balichililila khufumia busime bwewe,bukambisi endekhelo ye bikholwa.

6.KIMILIMO

Omufu George mabonga 1974 kaba nanyikhinywa nga omwekesia okhabirira mumekesio ke khusomi ta (U.T)Ne lwebweni aba nasomia musisomelo sie khuranga sia chenjeni mulikunda lia kakamega.Aba lundi nasomia mubisomelo biabukhane nekhulimo bie khuranga nga sia nambilima,chekulo,tande nende sia matsakha.

1998,aba nauyisibwa nekhuyilwa mwisio sie khuranga sie basale sie ebokoli mulikunda lie ebung’oma.

7.BUTEKHELE NE LIFWA

Omufu niye olindilile omunamasika kebulwa mumbotokhelela chindayi ne sekabakho nekamatekhele kosikosi ta khukhwola 2025 nio aba narakikha khukhwilocha khwe embonelo ekhasi-emoni.ne aba nasilikhwa mumakangilo kabukhane.

Kumwezi kwe 4,2026,aba nanyola buandalafu bwe kumukhono kumukhasi liba likholelela buchuni bukali bwakholelela narwa musitanda mulikangilo lie erufa lie ewebuye nio aba namenyamo embi kamachuma 4 khurakikha kwakhane 24 2026 khukhwola kwakharano 21 2026, endalo ya 9/6/2026 aba nalekhulwa khukalukha engo.

Yaba bele alangililwe ne basilikhi khukobolayo khubulolelesi endalo ya 9/8/2026,nekhali khulondekhane nende liliemurukunya lie basilikhi sekakobolayo ta.

Endalo ya lwokhurano 12 2026 bise bie kumwesi nekuli mumasikamo namwe langa oli saa tano che silo,omufu aba naesindukhila lukendo lwe emakombe baye.

Omufu abele khusibala khuno khubuleyi bwe Kimiko 78.